గర్భధారణ సమయంలో సబ్జా గింజలు: ప్రయోజనాలు, దుష్ప్రభావాలు

గర్భవతి అయిన మహిళ ఆనందానికి, సంతోషానికి, ఉత్సాహానికి అవధులు ఉండవు. అయితే అనేక సందేహాలు కూడా ఉంటాయి. ఏం తినాలి? ఏం తినకూడదు? ఏం తింటే కడుపులో పెరుగుతున్న బిడ్డకు మంచిది? లాంటి సందేహాలు ఉంటాయి. చాలావరకు తరతరాలుగా పాటిస్తున్న సలహాలు, సూచనలన్నీ పెద్దల నుంచి వస్తుంటాయి. అయితే ఈ సలహాలు, సూచనల్లో విరుద్ధమైనవి ఉంటే అది గందరగోళానికి దారితీయొచ్చు. ఇలాంటి సందర్భంలో కాబోయే తల్లులకు ఏది మంచిదో, ఏది కాదో చెప్పేందుకు అనేక పరిశోధనలు తోడ్పడుతుంటాయి. ఈ ఆర్టికల్‌లో మేము భారతదేశంలోని వంటకాల్లో ఒకటైన బేసిల్ సీడ్స్ లేదా సబ్జా గింజల ప్రయోజనాలను, ప్రభావాలను మైక్రోస్కోపిక్ పరిశీలనలో వివరిస్తాం. గర్భవతులకు ఇది ఎంత మేలు చేస్తుందో, ఎలా హానికలిగిస్తుందో మీరు ఈ ఆర్టికల్ చదివి తెలుసుకోవచ్చు.

సబ్జా గింజలు అంటే ఏంటీ?

సబ్జా గింజల్ని బేసిల్ సీడ్స్, టుక్మరియా సీడ్స్ అని కూడా పిలుస్తారు. ఆయుర్వేదిక్, చైనీస్ మెడిసిన్‌లో ఇవి ఓ భాగం. ఆసియా, ఆఫ్రికా ప్రాంతాల్లోని ఉష్ణమండల ప్రాంతాల్లో ఇవి ఎక్కువగా పండుతాయి. సబ్జా గింజలు చూడటానికి నువ్వులలా కనిపిస్తాయి. కానీ నలుపు రంగులో ఉంటాయి. స్వీట్ బేసిల్ నుంచి సబ్జా గింజల్ని సంగ్రహిస్తారు. వీటిని నేరుగా తినడం కష్టం. నమలడానికి ఇబ్బందిగా ఉంటుంది. నీళ్లల్లో 15 నిమిషాలు నానబెట్టి తినాలి. సబ్జా గింజలు నీళ్లల్లో నానితే గింజల చుట్టూ గుజ్జు ఏర్పడుతుంది.

సబ్జా గింజల్లో పోషక విలువలు

100 గ్రాముల సబ్జా గింజలలోని పోషక విలువలు ఈ కింది విధంగా ఉంటాయి-

గర్భధారణ సమయంలో బేసిల్ సీడ్స్/సబ్జా గింజలు తినడం సురక్షితమేనా?

బేసిల్ సీడ్స్‌లో ముఖ్యమైన పోషకాలు ఉన్నప్పటికీ, గర్భవతిగా ఉన్నప్పుడు వీటిని తినమని సూచించరు. సబ్జా గింజలు శరీరంలో ఈస్ట్రోజెన్ స్థాయిలను తగ్గిస్తాయని వైద్య రంగ నిపుణుల్లో ఏకాభిప్రాయం ఉంది. ఇది గర్భధారణ సమయంలో కీలకమైన హార్మోన్ అని తెలిసిందే. గర్భవతి కడుపులోని పిండంలో నాళాలు ఏర్పడటానికి, శిశువుకు పోషకాలను బదిలీ చేయడానికి ఈస్ట్రోజెన్ కీలక పాత్ర పోషిస్తుంది. అందువల్ల, ఈస్ట్రోజెన్ స్థాయిలు తగ్గడం శిశువు యొక్క పెరుగుదలకు, అభివృద్ధికి ఆటంకం కలిగిస్తుంది.

ఇంకా సీ సెక్షన్ డెలివరీకి ముందు సబ్జా గింజలు తీసుకుంటే, తీవ్ర రక్తస్రావం ఏర్పడే అవకాశం ఉంది. ఇందుకు కారణం సబ్జా గింజలు రక్తాన్ని పల్చగా చేస్తాయని , రక్తం గడ్డకట్టడాన్ని నెమ్మది చేస్తుందని చెబుతుంటారు. కొన్ని జంతువులపై జరిగిన అధ్యయనాల్లో సబ్జా గింజలు వీర్యంపై ప్రతికూలంగా ప్రభావం చూపిస్తాయని, గర్భధారణలో సంకోచాలను ప్రేరిపిస్తుందని తేలింది. అందుకే మీరు ప్రెగ్నెన్సీ ప్లాన్ చేస్తున్నా, గర్భవతి అయినా సబ్జా గింజల్ని అతిగా తినకపోవడమే మంచిది.

గర్భవతిగా ఉన్నప్పుడు బేసిల్ సీడ్స్ తినడం వల్ల కలిగే ప్రయోజనాలు

1. బేసిల్ సీడ్స్‌ని తక్కువ పరిమాణంలో తీసుకోవాలని వైద్యులు సూచిస్తుంటారు. అప్పుడప్పుడు రెండు స్పూన్ల కంటే ఎక్కువ తీసుకోకూడదు. అయితే గర్భధారణ సమయంలో సబ్జా గింజల వల్ల కొన్ని ప్రయోజనాలు ఉన్నాయి. అవేంటంటే–
2. బ్లడ్ షుగర్ కంట్రోల్– సబ్జా గింజలు లేదా బేసిల్ సీడ్స్ టైప్ 2 డయాబెటిస్‌తో బాధపడుతున్న గర్భవతులకు రక్షణగా నిలుస్తాయి. భోజనానికి ముందు సబ్జా గింజలను తీసుకోవడం వల్ల రక్తంలో చక్కెర స్థాయిలు పెరగకుండా నిరోధించవచ్చు.
3. మలబద్ధక నివారణ– గర్భధారణ సమయంలో మహిళలకు మలబద్ధకం ఉండటం సాధారణమే. ఈ సమస్యకు సబ్జా గింజలు సహజమైన పరిష్కారంగా చెప్పొచ్చు. సబ్జా గింజల్లో పీచు పదార్థం ఎక్కువగా ఉంటుంది కాబట్టి, మలబద్ధకం నుంచి ఉపశమనం కలిగిస్తుంది. ఇంకా, ఫైబర్ ఎక్కువగా ఉన్న సబ్జా గింజల్ని తినడం వల్ల ఆరోగ్యకరమైన గట్ మైక్రోబయోటాకు దోహదపడుతుందని కొన్ని అధ్యయనాలు చెబుతున్నాయి.
4. ఎసిడిటీ నుంచి ఉపశమనం– గర్భవతుల్ని వేధించే మరో సమస్య ఎసిడిటీ. సబ్జా గింజలు శరీరానికి చలువను అందిస్తాయి కాబట్టి, తక్షణ ఉపశమనాన్ని అందిస్తుందని, కడుపులో మంటను తగ్గిస్తాయని చెబుతుంటారు.
5. వెంటనే చల్లబరుస్తుంది – కడుపులోని, శరీరంలోని వేడిని చల్లార్చేందుకు ఆయుర్వేదంతో పాటు ఇతర మెడిసిన్స్‌లో సబ్జా గింజల్ని ఉపయోగిస్తున్నారన్న విషయం తెలిసిందే. వేసవి సమయంలో మీరు గర్భవతిగా ఉన్నట్టైతే, అప్పుడప్పుడూ సబ్జా గింజలతో చేసిన స్మూతీ లేదా ఫలూదా తాగితే మండుతున్న వేడి నుంచి ఉపశమనం కలుగుతుంది.

గర్భధారణ సమయంలో బేసిల్ సీడ్స్ తినడం వల్ల కలిగే దుష్ప్రభావాలు

సబ్జా గింజలతో పలు రకాల ప్రయోజనాలు ఉన్నప్పటికీ, గర్భిణీలపై ఇవి ప్రతికూల ప్రభావం చూపించే అవకాశాలున్నాయి. కాబట్టి కాబోయే తల్లులు ఈ విషయాలు గుర్తుంచుకోవాలి.

• బేసిల్ సీడ్స్ గర్భాశయ సంకోచాలకు కారణం అవుతాయి. అందుకే గర్భధారణ సమయంలో మొదటి ట్రమిస్టర్‌లో వీటిని తీసుకోకూడదు.
• సబ్జా గింజల్లో పీచుపదార్థం ఎక్కువగా ఉంటుంది. అధిక వినియోగం అతిసారం లేదా పొత్తికడుపులో తిమ్మిరికి కారణం కావచ్చు.
• బేసిల్ సీడ్స్ రక్తం గడ్డకట్టడాన్ని తగ్గిస్తుంది. రక్తాన్ని పల్చగా చేస్తుంది. ఒకవేళ మీరు సిజేరియన్ డెలివరీ ప్లాన్ చేస్తున్నట్టైతే డెలివరీకి రెండువారాల ముందే వీటిని తినడం ఆపెయ్యాలి.
• చివరగా, సబ్జా గింజలు గర్భవతుల్లో ఈస్ట్రోజెన్ స్థాయిల్ని తగ్గిస్తాయి. కడుపులో పిండం అభివృద్ధిపై ఇది ప్రతికూల ప్రభావం చూపించే అవకాశం ఉంది.
• ముఖ్యమైన విషయం ఏంటంటే, గర్భధారణ సమయంలో సబ్జా గింజల్ని మితంగా తీసుకోవడం అవసరం. అయితే బేసిల్ సీడ్స్ తినే విషయంలో మీ గైనకాలజీ డాక్టర్ సలహాలు తీసుకోవాలి.

తరచూ అడిగే ప్రశ్నలు

1. బేసిల్ సీడ్స్ తినడం పిండంపై ప్రభావం చూపిస్తుందా?

జవాబు: గర్భవతులు సబ్జా గింజలు తింటే ఈస్ట్రోజెన్ స్థాయిల్ని తగ్గిస్తుంది. ఈస్ట్రోజెన్ ఒక సమగ్ర హార్మోన్. ఇది పిండంలో రక్తనాళాలు ఏర్పడటానికి సహాయపడుతుంది. బిడ్డకు కావాల్సిన పోషకాలను తల్లి నుంచి బదిలీ చేస్తుంది. ఈస్ట్రోజెన్ స్థాయిలు తగ్గితే, పుట్టబోయే బిడ్డపై హానికరమైన ప్రభావాన్ని చూపిస్తుంది. అందుకే సబ్జా గింజలు కడుపులోని పిండానికి హాని కలిగించవచ్చు.

2. గర్భధారణ విషయానికి వస్తే, సబ్జా గింజలు తినడం వల్ల వేడి చేస్తుందా చలువనిస్తుందా?

జవాబు: గర్భధారణ విషయానికి వస్తే, సబ్జా గింజలు శరీరానికి చలువను చేస్తాయి.

3. బేసిల్ సీడ్స్ రుతుక్రమం సమయంలో ప్రయోజనకరంగా ఉంటాయా?

జవాబు: సబ్జా గింజలు ఋతుస్రావం క్రమబద్ధతను మెరుగుపరుస్తాయి. తిమ్మిరిని తగ్గిస్తాయి.