ఎర్లీ ప్రెగ్నెన్సీ సమయంలో చనుమొనలు ఎలా కనిపిస్తాయి?

గర్భం యొక్క ప్రారంభ దశలలో మీ రొమ్ములు మారడం అనేది సంకేతంగా కనిపిస్తుంది. మీరు మీ ప్రెగ్నెన్సీ పెరిగే కొద్దీ మీరు మీ రొమ్ములలో మార్పులను గమనిస్తారు. మీరు ప్రెగ్నెంట్​గా ఉన్న సమయంలో మీ శరీరంలో విడుదలయ్యే హార్మోన్లలో మార్పులు వస్తాయి. మీ జీవితంలో ఈ సమయంలో సంభవించే అనేక మార్పులకు ఈ హార్మోన్లు ముఖ్యమని తెలుసుకోండి. మీకు పుట్టిన శిశువుకు చనుబాలివ్వడానికి ఈ హార్మోన్లు మీ రొమ్ములను సిద్ధం చేస్తాయి. ప్రెగ్నెన్సీ సమయంలో మీ రొమ్ములు పరిమాణంలో పెద్దవిగా మారుతాయి. అప్పుడు కొంత నొప్పిని అనుభవిస్తారు. మీ చనుమొనలు రంగు కూడా మారతాయి. ప్రెగ్నెన్సీ సమయంలో ఈ మార్పులు చాలా సహజం. ఈ మార్పులు మీకు ఏదైనా అసౌకర్యాన్ని కలిగించినట్లయితే భవిష్యత్​లో మీరు మంచి అనుభూతిని పొందే అంశాలు ఉన్నాయని తెలుసుకోవడం చాలా ముఖ్యం.

కొన్ని సార్లు మీ ప్రెగ్నెన్సీ మొదటి త్రైమాసికంలో (1 నుంచి 12 వారాలు) మీ రొమ్ములు మీకు మరింత మృదువుగా అనిపించవచ్చు. జలదరింపును ఫీల్ అవుతారు. మీ చనుమొనలు సాధారణం కంటే ఎక్కువగా పొడుచుకువస్తాయి. తర్వాతి మూడు నెలల ప్రెగ్నెన్సీ సమయంలో మీ రొమ్ముల సైజు పెరగడం, బరువు పెరగడం జరుగుతుంది. మీరు పెద్ద సైజ్ బ్రాను ధరించడం వలన మీరు మరింత సపోర్ట్​ను పొందొచ్చు. మీరు ప్రెగ్నెన్సీ ప్రారంభ దశల్లో ఉన్నపుడు తక్కువ సున్నితత్వం మరియు తక్కువ జలదరింపును పొందుతారు.

మీ రొమ్ములు మరింత పెద్దగా పెరిగినపుడు మీ చర్మం కింద దాగి ఉన్న సిరలు మరింత స్పష్టంగా కనిపిస్తాయి. చనుమొనల చుట్టూ ఉండే ప్రాంతాన్ని అరోలా అని పిలుస్తారు. అది రంగు మారుతూ పెద్దగా మారుతుంది. అరోలాలో మీరు చిన్న బంప్స్​ను గమనించొచ్చు. మీరు మీ బిడ్డకు జన్మనిచ్చిన తర్వాత మీరు ఈ బంప్స్ గురించి ఎక్కువగా చింతించాల్సిన అవసరం లేదు. కొంత మంది స్త్రీలు ప్రెగ్నెన్సీ సమయంలో బ్రెస్ట్ స్ట్రెచ్ మార్క్స్​ను (స్తనాల వద్ద చర్మపు గుర్తులు) అనుభవిస్తారు. మీరు గర్భం దాల్చిన 16 నుంచి 19వ వారంలోపు మీ చనుమొనల నుంచి పసుపు రంగులో ఉండే స్రావం వస్తుంది. దానిని కోలోస్ట్రమ్ అని పిలుస్తారు. మీ రొమ్ములు పాలివ్వడానికి సిద్ధం అవుతున్నాయనే సంకేతం ఇది. కోలోస్ట్రమ్​ను ప్రీ మిల్క్ (ముందస్తు పాలు) అని కూడా పిలుస్తారు. ఎందుకంటే జీవితంలోని మొదటి కొన్ని రోజులలో శిశువులలో అనారోగ్యాన్ని నివారించడంలో ఇది సహాయపడుతుంది.

మీ చనుమొనలు పెద్దవిగా మరియు మరింత సున్నితంగా మారే అవకాశం ఉంది. మీ అరోలా (చనుమొనల చుట్టూ ఉండే ప్రాంతం) రంగుమారడాన్ని గమనించవచ్చు. మీ శరీరానికి రక్తప్రసరణ పెరగడం కూడా ప్రారంభం అవుతుంది. మీలో ఎదుగుతున్న పిండానికి పోషక విలువలు అందించేందుకు ఇది సహాయపడుతుంది. మీ రొమ్ములపై ఉన్న సిరలు నీలం రంగులో పెద్దవిగా మారొచ్చు. దీంతో పాటు మీ రొమ్ముల పరిమాణం నిరంతరంగా పెరుగుతూనే ఉంటుంది. వాటిలో మీరు వాపును గమనించవచ్చు. మీ శరీర హార్మోన్ స్థాయిలను అడ్జస్ట్ చేయడం వలన గర్భందాల్చిన మొదటి వారాల్లోనే ఈ సంకేతాలు అదృశ్యమవుతాయి.

• మీ రొమ్ములలో చాలా మార్పులు జరిగితే ఏదైనా ఇన్ఫెక్షన్ జరగకుండా మీరు జాగ్రత్తపడాలి. అందుకోసం కొన్ని సలహాలు ఇవ్వబడ్డాయి. అవి మీకు ఉపయోగకరంగా ఉంటాయి.
• మీకు రొమ్ములలో నొప్పిగా అనిపిస్తే, వెనకాల సపోర్ట్​గా ఉండే మంచి బ్రాను ధరించండి. మెత్తని భుజం పట్టీలు ఉండే బ్రాలను ధరించండి. కాటన్​తో తయారు చేయబడిన బ్రాలు మీకు మరింత సౌకర్యవంతంగా ఉంటాయి.
• రాత్రి సమయాల్లో స్లీప్ బ్రాలను ధరించండి. ఇవి మరింత మృదువుగా మరియు కంఫర్ట్​గా ఉంటాయి. మీరు నిద్రిస్తున్న సమయంలో ఈ బ్రాలు మీకు మరింత సపోర్ట్​ను అందిస్తాయి.
• మీ చనుమొనలు చుట్టుపక్కల సబ్బును రుద్దవద్దు. సబ్బు మీ చర్మాన్ని పొడిగా ఉంచుతుంది. మీ నిపుల్స్​ను శుభ్రం చేయడానికి గోరువెచ్చని నీటిని ఉపయోగించండి.
• మీ పొట్ట, రొమ్ములు లేదా ఎక్కడైనా మీ శరీరం విస్తరించిన చోట మీరు దురదను అనుభవిస్తుంటే వేడి నీటితో స్నానం చేయడం ఆపేయండి.
• మీరు షవర్ లేదా స్నానం నుంచి బయటకు వచ్చిన తర్వాత మీ చర్మం పూర్తిగా పొడిబారకుండా ఉండేందుకు మాయిశ్చరైజర్​ను అప్లై చేయండి. మీ మాయిశ్చరైజర్​ను రిఫ్రిజిరేటర్​లో ఉంచితే అది ఇచ్చే ఫలితం మీకు సంతృప్తికరంగా ఉంటుంది.
• డ్రైయింగ్ సోప్స్, ఆల్కహాల్ ఉండే స్కిన్ ప్రొడక్ట్స్, మరియు ఎక్కువ క్లోరినేషన్ లెవల్స్ ఉన్న వాటర్ వాడకపోతే మంచిది. ఈ కారకాలు మీ చర్మాన్ని పొడిగా చేయడానికి సహకరిస్తాయి.
• దురద తీవ్రంగా ఉంటే మీరు ఎన్ని చేసినా దాని నుంచి ఉపశమనం పొందకపోతే వెంటనే డాక్టర్​ను సంప్రదించండి.
• లీక్స్ జరగకుండా నిరోధించేందుకు మీ బ్రాలలో బ్రెస్ట్ ప్యాడ్స్ ధరించండి. ఉతికి తిరిగి వాడే బ్రెస్ట్ ప్యాడ్స్ కూడా మార్కెట్లలో అందుబాటులో ఉన్నాయి.
• గుర్తుంచుకోండి. మీ చనుమొనలు ఎర్లీ ప్రెగ్నెన్సీ సమయంలో ఎలా కనిపిస్తాయనే దాని మీద మీ పాల ఉత్పత్తి ఆధారపడదు. ప్రెగ్నెన్సీ తరువాత కొంత మంది స్త్రీల రొమ్ములు పాత స్థితికి వస్తే కొంత మంది రొమ్ములు మాత్రం అలానే ఉంటాయి.