గర్భధారణ సమయంలో చెర్రీపళ్ళు: ప్రయోజనాలు & దుష్ప్రభావాలు

గర్భవతులు ఆందోళన పడకుండా తినగలిగే ఆహారం ఈ చెర్రీస్. చెర్రీ పళ్ళు తల్లీబిడ్డలిద్దరికీ అనేక రకాలైన ప్రయోజనాలను కలిగిస్తాయి. ఈ బ్లాగ్ పోస్ట్‌లో గర్భధారణ సమయంలో చెర్రీపళ్ళు తీసుకోవడం వల్ల కలిగే ప్రయోజనాలు అలాగే సంభవించే అవకాశమున్న దుష్ప్రభావాల గురించి మనం తెసులుకుందాం. గర్భవతుల కొరకు రుచికరమైన ఇంకా పోషక విలువలున్న అల్పాహారం కోసం చూస్తున్నట్లయితే.. చెర్రీస్ గురించి మీరు తెలుసుకోవలసిన అన్నీ విషయాలను వివరంగా తెలుసుకోవడం కోసం ఇది చదవండి!

గర్భవతులకు లభించే చెర్రీపళ్లలోని పోషక విలువలు

గర్భవతులకు చక్కని పోషకాలను అందించే అద్భుతమైన పళ్ళు ఈ చెర్రీస్. ఇది ఫైబర్(పీచు పదార్థాలు), విటమిన్ సి, పొటాషియం ఇంకా ఫోలిక్ యాసిడ్ అందించే మంచి వనరు. చెర్రీస్‌లో కరిగే మరియు కరగని పీచుపదార్థాలు రెండూ ఉంటాయి. కరిగే ఫైబర్ నీటిలో కరిగి జీర్ణక్రియను నెమ్మది పరుస్తుంది. కరగని ఫైబర్ నీటిలో కరగక విసర్జితాలను పెద్దమొత్తంలో ఒక్కటిగా చేర్చేందుకు సహాయపడుతుంది. చెర్రీపళ్ళు ఫోలిక్ యాసిడ్ అందించే మంచి వనరులు. ఫోలిక్ యాసిడ్ గర్భిణీ స్త్రీలకు ఎంతో ఆవశ్యకమైనది ఎందుకంటే ఇది పుట్టుకతో వచ్చే మెదడు ఇంకా వెన్నెముక లోపాలను నివారించేందుకు దోహదపడుతుంది.

ఎదుగుతున్న పిండం ఇంకా చెర్రీపళ్ల మధ్య సంబంధం

గర్భధారణ సమయంలో చెర్రీస్ తినడం వల్ల కలిగే ప్రధాన ప్రయోజనం ఏమిటంటే అవి పుష్కలంగా యాంటీఆక్సిడెంట్లను కలిగి ఉండటం. గర్భిణీ స్త్రీలకు యాంటీఆక్సిడెంట్లు ఎంతో ఆవశ్యకమైనవి. ఎందుకంటే అవి ఫ్రీ రాడికల్స్ వల్ల కలిగే హాని నుండి ఎదుగుతున్న పిండాన్ని రక్షించడంలో దోహదపడతాయి. ఫ్రీ రాడికల్స్ అనేవి జీవకణాలకు హాని కలిగించే రక్తంలోని రేణువులు, అంతేకాక ఇవి క్యాన్సర్‌తో సహా అనేక అనారోగ్యాలను కలిగించే కారణాలతో ముడిపడి ఉన్నాయి.

గర్భధారణ సమయంలో చెర్రీ పళ్లను తినడం సురక్షితమేనా?

గర్భధారణ సమయంలో చెర్రీ పళ్లను తినడం సాధారణంగా సురక్షితం అనే తెలుస్తోంది. అయినప్పటికీ.. ఏదైనా పళ్లను లేదా కూరగాయలను పెద్ద మొత్తంలో తీసుకొనే ముందు డాక్టరు గారిని సంప్రదించాలి. ఎందుకంటే వాటిలో ఎదుగుతున్న శిశువుకు హాని కలిగించే రసాయనాలు కూడా ఉండవచ్చు.

గర్భధారణ సమయంలో చెర్రీ పళ్ల వల్ల కలిగే ప్రయోజనాలు

గర్భధారణ సమయంలో చెర్రీస్ మరొక ఆరోగ్య ప్రయోజనాన్ని కూడా కలిగి ఉన్నట్లు తెలుస్తోంది. ఉదాహరణకు, గర్భధారణ సమయంలో వచ్చే అవకాశమున్న అధిక రక్తపోటు ఇంకా మూత్రంలో ప్రొటీన్‌లు కనబడే ప్రీ-ఎక్లాంప్సియా ప్రమాదాన్ని కూడా తగ్గిస్తుందని తెలుసుకున్నారు. గర్భధారణ సమయంలో చెర్రీస్ తీసుకోవడం వల్ల కలిగే మరో సంభావ్య ప్రయోజనం ఏమిటంటే అవి ప్రీఎక్లంప్సియా అభివృద్ధి చెందే ప్రమాదాన్ని తగ్గించడంలో దోహదపడతాయి. ప్రీఎక్లాంప్సియా అనేది గర్భధారణ సమయంలో సంభవించే అధిక రక్తపోటు ఇంకా మూత్రంలో ప్రోటీన్ పోవడం లాంటి ఒక అనారోగ్య పరిస్థితి.

చెర్రీపళ్లను తీసుకొనే విషయంలో అప్రమత్తంగా ఉండాలి

సాధారణంగా గర్భధారణ సమయంలో చెర్రీపండ్లను తినడం సురక్షితమనే పరిగణించబడుతుంది. అయితే వీటిని తీసుకునేటప్పుడు కొన్ని విషయాలు తెలుసుకోవాలి.

• మొదటిది.. చెర్రీస్‌లో తక్కువ మొత్తంలో సైనైడ్ ఉంటుంది. ఇది తల్లీ బిడ్డలకు హాని కలిగించే స్థాయిలో ఉండదు. కానీ ఇది తెలుసుకోవలసిన విషయం.
• రెండవది.. చెర్రీస్ వల్ల కొంతమందిలో అజీర్ణం ఇంకా గుండెల్లో మంట కలుగుతుంది. చెర్రీస్ తిన్న తర్వాత ఇలాంటి లక్షణాలను కనిపిస్తే.. భవిష్యత్తులో వాటిని తినకపోవడమే మంచిది.
• మూడవది.. వాటిలో అధిక చక్కెరలు ఉండటం వల్ల, చెర్రీస్ తినడం బరువు పెరుగేందుకు దారితీస్తుంది. గర్భధారణ సమయంలో ఆరోగ్యకరమైన బరువుతో ఉండాలనుకొనేవారు. ఇది తెలుసుకోవలసిన విషయం.

మీకు ఇది కూడా నచ్చుతుంది: మహిళలు బరువు తగ్గేందుకు డైట్ ప్లాన్

గర్భధారణ సమయంలో చెర్రీపళ్లను తీసుకోవడం

చెర్రీపళ్ళు గర్భవతులకు ఒక రుచికరమైన ఇంకా ఆరోగ్యకరమైన చిరుతిండి. వాటిని చక్కగా ఆస్వాదించేందుకు ఇక్కడ కొన్ని టిప్స్ ఉన్నాయి:

• బాక్టీరియా ఇన్ఫెక్షన్ కలగకుండా ఉండేందుకు తినే ముందు చెర్రీలను శుభ్రంగా కడగాలి.
• తినేటప్పుడు గొంతుకి అడ్డుపడకుండా ఉండేలా చెర్రీలను సగానికి రెండు ముక్కలుగా కట్ చేసుకోవాలి.
• తాజా చెర్రీలను చిరుతిండిగా ఆస్వాదించవచ్చు లేదా వాటిని పెరుగు, తృణధాన్యాలు లేదా సలాడ్‌లకు జోడించవచ్చు.
• వాటి సీజన్‌ కానప్పుడు లేదా తాజావి దొరకనప్పుడు క్యాన్డ్ లేదా ఫ్రోజెన్ చెర్రీ పళ్ళు తీసుకోవచ్చు.
• ఎక్కువ చక్కెరను తీసుకోకుండా ఉండేందుకు చెర్రీ జ్యూస్‌ని పరిమితంగా తీసుకోవాలి.

తాజా చెర్రీపళ్లను ఎంచుకోవడం

తాజా చెర్రీలను తీసుకోవాలనుకున్నప్పుడు, నిగనిగలాడే మెరుపుతో ముదురు ఎరుపు రంగులో ఉండే పుష్టిగా ఉండే పండ్ల కోసం వెదకాలి. మృదువైనవి, మెత్తగా ఉన్నవి లేదా గోధుమ రంగు మచ్చలు ఉన్న చెర్రీలను ఎంచుకోకూడదు. తాజా చెర్రీలను ఒక వారం వరకు రిఫ్రిజిరేటర్‌లో నిల్వ ఉంచుకోవచ్చు.

ముగింపు

గర్భధారణ సమయంలో చెర్రీ పండ్లను తీసుకోవడం వల్ల ప్రయోజనాలు ఇంకా దుష్ప్రభావాలు ఉన్నాయి. వీటిని తీసుకొనే ముందు ఈ విషయం తెలుసుకోవాలి. చెర్రీపళ్ళు అనేక పోషక ప్రయోజనాలను కలిగి ఉన్నప్పటికీ.. చెర్రీస్‌లోని కొన్ని రకాల సమ్మేళనాలు రక్తాన్ని పలుచబరుస్తాయి. కాబట్టి గర్భిణీ స్త్రీలు వాటిని తీసుకొనే ముందు వారి డాక్టరుని సంప్రదించాలి. మొత్తంమీద, చెర్రీస్ గర్భధారణ సమయంలో తినదగిన ఒక ఆరోగ్యకరమైన పండు, కానీ మితంగా తీసుకోవడమనేది కీలకం. మైలో ఫ్యామిలీ అనేది లక్షలాది తల్లిదండ్రులు నమ్మే నవజాత శిశువుల కోసం ఎంచుకోదగ్గ అత్యుతమ షాప్.

తరచుగా అడిగే ప్రశ్నలు

Q1. గర్భధారణ సమయంలో ఎండిన చెర్రీపళ్లను తినడం మంచిదా?

A1. సాధారణంగా ఎండిన చెర్రీస్ తినేందుకు సురక్షితమే. కానీ వాటిలో సల్ఫర్ డయాక్సైడ్ లేదని రూఢి పరచుకోవడానికి వాటి లేబుల్‌ని చెక్ చేయాలి. ఈ ప్రిజర్వేటివ్ గర్భిణీ స్త్రీలకు ఇంకా వారి పిల్లలకు హాని కలిగిస్తుంది.

Q2. గర్భధారణ సమయంలో పుట్టబోయే బిడ్డకు చెర్రీస్ తినడం వల్ల కలిగే ప్రయోజనాలు ఏమిటి?

A2. గర్భధారణ సమయంలో చెర్రీ పళ్లను తినడం వల్ల పుట్టబోయే బిడ్డకు అనేక ప్రయోజనాలు కలుగుతాయి. ఈ ప్రయోజనాలలో మెరుగైన ఎదుగుదల, తదుపరి దశలలో కొన్ని వ్యాధులు వచ్చే ప్రమాదావకాశాన్ని తగ్గించడం ఇంకా పుట్టబోయే బిడ్డ ఆరోగ్యకరమైన బరువును పొందడం ఇంకా జ్ఞానాభివృద్ధి లాంటివి ఉన్నాయి.

Q3. గర్భధారణ సమయంలో రోజుకు ఎన్ని చెర్రీపళ్లను తినవచ్చు?

A3. రోజుకు రెండు లేదా మూడు సార్ల కంటే ఎక్కువ చెర్రీస్ తినకూడదని సిఫార్సు చేయబడింది. చెర్రీపళ్లను ఎక్కువగా తినడం వల్ల కడుపు నొప్పి ఇంకా విరేచనాలు కలుగుతాయి.