அறிமுகம்

நஞ்சுக்கொடி என்பது ஒரு முக்கியமானதும், ஆனால் தற்காலிக உறுப்பும் ஆகும். இது ஒரு பெண்ணின் உடல் கருத்தரிக்கும் போது குழந்தைக்கு தேவையான ஊட்டச்சத்துக்கள், இரத்தம் மற்றும் ஆக்ஸிஜனைக் கொண்டு வளர்க்கிறது. மேலும் கருவில் உள்ள குழந்தையின் உடலில் உள்ள கழிவுகளை நீக்குகிறது. நஞ்சுக்கொடியின் வளர்ச்சியை கர்ப்பத்தின் ஆரம்ப வாரங்களில் கண்டறியலாம். பொதுவாக அல்ட்ராசவுண்ட் மூலம் இதை தெரிந்து கொள்ள முடியும். நஞ்சுக்கொடி உங்கள் கருப்பையின் புறணியுடன் தன்னை இணைத்துக் கொள்கிறது. நஞ்சுக்கொடி அதன் இணைப்பிலிருந்து நகராது. ஆனால் கர்ப்பம் தொடர்ந்து முன்னேறும்போது கருப்பையின் வளர்ச்சிக்கு ஏற்ப அதன் அளவு (Placental Migration) மாறுபடும்.

தாழ்வான நஞ்சுக்கொடி என்றால் என்ன?

நஞ்சுக்கொடி அமைப்பு கருப்பை வாய்க்கு அருகில் கருப்பையின் கீழ் பகுதியுடன் இணைக்கப்படும் போது (குழந்தை வெளியே தள்ளப்படும் கருப்பையின் கீழ் பகுதி), அல்ட்ராசவுண்டில் ஒரு தாழ்வான நஞ்சுக்கொடி காணப்படுகிறது.

பிறப்புறுப்பு ஸ்கேன் (transvaginal scan) என்பது ஒரு தாழ்வான நஞ்சுக்கொடியைக் கண்டறிய பொதுவாக கர்ப்பத்தின் 12வது வாரத்தில் எடுக்கப்படும். இருப்பினும், நஞ்சுக்கொடி பின்னர் மேலே செல்லக்கூடும். இதனால் பிரசவம் மற்றும் கர்ப்ப காலத்தில் எந்த பிரச்சனையும் ஏற்படாது. ஆனால், ஒரு சில அரிதான சந்தர்ப்பங்களில், நஞ்சுக்கொடி கருப்பை வாயை மூடிக்கொண்டு, கருவின் பிறப்புப் பாதையை பகுதியாக அல்லது முழுவதுமாகத் தடுக்கும். இந்த நிலை நஞ்சுக்கொடி முந்தைய நிலை (placenta previa) என்று அழைக்கப்படுகிறது.

நஞ்சுக்கொடி முந்தைய நிலை பிரசவத்தில் ஆபத்துக்களை ஏற்படுத்தக் கூடும். முன்புற தாழ்வான நஞ்சுக்கொடி என்பது, நஞ்சுக்கொடியானது கருப்பையின் முன் சுவரில் பொருத்தப்பட்டிருக்கும் ஒரு நிலை ஆகும். பின்பக்க தாழ்வான நஞ்சுக்கொடி என்பது கருப்பையின் பின் சுவரிலும் இதே நிலை ஏற்படும்போது ஏற்படக்கூடிய ஒரு நிலை ஆகும். இதுபோன்ற சந்தர்ப்பங்களில் சுமுகமான கர்ப்ப காலத்திற்கு மருத்துவர்கள் உங்களுக்கு உதவுவார்கள். தாழ்வான நஞ்சுக்கொடி என்றால் குழந்தை ஆண் குழந்தையாக இருக்கும் என்று பல ஆய்வுகள் தெரிவிக்கின்றன.

தாழ்வான நஞ்சுக்கொடி ஏற்படுவதற்கான காரணங்கள் என்ன?

தாழ்வான நஞ்சுக்கொடி பல்வேறு காரணங்களுக்காக ஏற்படலாம்:

● கர்ப்பமாக இருக்கும்போது புகைபிடித்தல் அல்லது போதை மருந்துகளை பயன்படுத்தினால் தாழ்வான நஞ்சுக்கொடி ஏற்படுவதற்கான வாய்ப்புகளை அதிகரிக்கும்.

● கருப்பை உறுப்புகளில் மற்றும் அதைச் சுற்றியுள்ள பகுதிகளில் குறிப்பிடத்தக்க அறுவை சிகிச்சைகள் செய்யப்பட்டிருந்தால் கர்ப்ப காலத்தில் நஞ்சுக்கொடியின் நிலையில் அது தாக்கத்தை ஏற்படுத்தலாம்.

● 35 வயதுக்கு மேற்பட்டவர்களுக்கு கர்ப்ப காலத்தில் தாழ்வான நஞ்சுக்கொடி நிலை ஏற்படக் கூடும்.

● முந்தைய கர்ப்பங்களில் கருச்சிதைவு ஏற்பட்டிருந்தால் தாழ்வான நஞ்சுக்கொடி ஏற்படலாம்.

● முந்தைய பிரசவத்தில் சிசேரியன் செய்து கொண்டிருந்தால், பிற்காலங்களில் கர்ப்பம் உண்டாகும்போது தாழ்வான நஞ்சுக்கொடி ஏற்படக்கூடும்.

● ஆய்வுக்கூட சோதனை (in-vitro fertilisation) முறையில் கருத்தரித்தல் போன்ற கருவுறுதல் சிகிச்சைகளை மேற்கொள்வது, இந்த நிலையை ஏற்படுத்தக் கூடும்.

● ஒரு தாய் இரண்டாவது முறையாக கர்ப்பமாக இருக்கும்போது அல்லது இரண்டு அல்லது பல கருக்களுடன் இருக்கும் போது நஞ்சுக்கொடி தாழ்வாக இருக்கும்.

கர்ப்ப காலத்தில் இந்த நிலை ஏற்படுவதற்கு பல காரணங்கள் உள்ளன. ஆனால் ஒரு தாழ்வான நஞ்சுக்கொடி ஏற்பட்டால், அதை நாம் சமாளித்துக் கொள்ளலாம் என்பதை நீங்கள் நினைவில் கொள்வது அவசியம். அத்துடன், உங்கள் நஞ்சுக்கொடி தாழ்வாக இருந்தால், அறிகுறிகள் மற்றும் சிகிச்சையைப் பற்றிய தெளிவைப் பெற நீங்கள் எப்போது வேண்டுமானாலும் உங்கள் மருத்துவரை அணுகலாம்.

தாழ்வான நஞ்சுக்கொடியின் அறிகுறிகள் என்ன?

தாழ்வான நஞ்சுக்கொடி இருந்தால் பின்வரும் அறிகுறிகளைக் கொண்டு அறிந்து கொள்ளலாம். இவற்றில் ஒன்று அல்லது அதற்கு மேற்பட்ட அறிகுறி இருந்தால், உங்கள் மருத்துவரிடம் ஆலோசனை பெறவும்:

● ஆரம்ப வாரங்களில் கண்டறிவது கர்ப்பத்தின் அறிகுறியாக இருந்தாலும், கர்ப்பத்தின் மூன்றாவது மற்றும் ஆறாவது மாதங்களில் இரத்தப்போக்கு ஏற்படக் கூடும். இது நஞ்சுக்கொடி முந்தைய நிலையின் மிகவும் பொதுவான அறிகுறியாகும்.

● கருப்பையில் உள்ள குழந்தை கர்ப்ப காலத்தின் கடைசி மூன்று மாத காலத்தில் (30 வாரங்கள் முதல் 34 வாரங்கள் வரை) பொதுவாக ஆக்டிவாக இருக்கும். ஆனால், தாழ்வான நஞ்சுக்கொடி கொண்ட தாய்மார்கள் கர்ப்பத்தின் கடைசி சில வாரங்களில் கூட கர்ப்பப்பையில் அடிபாகத்தில் குழந்தைகள் அப்படியே இருக்கும் அல்லது சாதகமற்ற நிலைகளில் இருக்கும்.

● மாதவிடாய் அசௌகரியத்தை பிரதிபலிக்கும் தசைப்பிடிப்புகள் அடிக்கடி ஏற்படக் கூடும். இது இரத்தப்போக்குடன் நிகழக்கூடும்.

● கர்ப்ப காலத்தில் உங்கள் இரத்த சர்க்கரை மற்றும் இரத்த அழுத்த அளவை எப்போதும் கண்காணிப்பது அவசியம். தாழ்வான நஞ்சுக்கொடி நிலைகளைக் கொண்ட பெண்கள் உயர் இரத்த அழுத்த (preeclampsia) பிரச்சனையை எதிர்கொள்கிறார்கள்.

தாழ்வான நஞ்சுக்கொடியின் ஆபத்து காரணிகள் என்ன?

தாழ்வான நஞ்சுக்கொடியின் அபாயங்கள் பின்வருமாறு:

● குறைமாத குழந்தைகளைப் பெற்றெடுப்பது.

● குழந்தைகளின் வளர்ச்சி தடைபட்டிருக்கலாம் அல்லது சில சமயங்களில் பிறவி குறைபாடுகள் இருக்கலாம்.

● அத்துடன், தாய்க்கு சில சமயங்களில் அதிக இரத்தப்போக்கு ஏற்பட வாய்ப்புள்ளது. இதன் விளைவாக கருப்பை நீக்கம் செய்யவும் வாய்ப்புள்ளது (தாயின் கருப்பை அகற்றப்படும்).

● சில நேரங்களில், ஒரு பின்புற தாழ்வான நஞ்சுக்கொடி ஏற்படுகிறது. அங்கு அது உள்புற ஓஎஸ்-ஐ (கருப்பை வாயின் மையத்தில் உள்ள திறப்பு) அடைவதற்கு நெருக்கமாக இருக்கும், இதனால் பிரசவம் கடினமாகக் கூடும்.

● தாழ்வான நஞ்சுக்கொடியின் மற்றொரு குறிப்பிடத்தக்க ஆபத்து என்னவென்றால், தாய்க்கு கடுமையான கவலை ஏற்படக் கூடும் மற்றும் நடைமுறைகளுக்கு ஒத்துழைக்க முடியாது.

தாழ்வான நஞ்சுக்கொடிக்கு என்ன முன்னெச்சரிக்கைகள் மற்றும் பயணக் கட்டுப்பாடுகள் எடுக்க வேண்டும்?

• நஞ்சுக்கொடி முந்தைய நிலை ஏற்படுவதை மருத்துவர்கள் மற்றும் மருத்துவ தலையீடுகளால் தடுக்க முடியாது என்றாலும், அவர்கள் எப்பொழுதும் அறிவுறுத்தல்களை வழங்கி கருவின் மற்றும் தாய்நலத்தை தொடர்ந்து கண்காணிப்பதன் மூலம் உங்களுக்கு வழிகாட்டுவார்கள்:

• பிரசவத்தின்போது இரத்தம் ஏற்றப்படும் நிகழ்வுகளை முன்கூட்டியே கணித்து, அதற்கான முன் ஏற்பாடுகளை மருத்துவர்கள் செய்வார்கள்.

• ஆரோக்கியமான உணவு மற்றும் ஆரோக்கியமான வாழ்க்கை முறையை பின்பற்றுவதன் மூலம் கர்ப்ப காலத்தில் இரத்த சோகை ஏற்படுவதை தவிர்க்கலாம்.

• நீங்கள் இரத்தப்போக்கு ஏற்படுவதைக் கண்டால் உடலுறவில் இருந்து விலகி இருக்குமாறு உங்கள் மருத்துவர் பரிந்துரைக்க வாய்ப்புள்ளது.

• கடுமையான உடற்பயிற்சிகள் மற்றும் வழக்கமான சோதனைகள் ஆகியவற்றைத் தவிர்ப்பதன் மூலம் நீங்கள் நேர்மறையாக இருக்க முடியும்.

• தாழ்வான நஞ்சுக்கொடி ஏற்பட்டிருந்தால் பயணத்தை தவிர்ப்பது புத்திசாலித்தனமாகும். விமானப் பயணத்தைத் தவிர்க்கவும்.

• 32- வாரங்களுக்குப் பிறகு பிற முறைகள் மூலம் நீண்ட தூரப் பயணம் செய்வதைத் தவிர்க்க முயற்சிக்கவும்.

• நஞ்சுக்கொடி முந்தைய நிலையின் தாக்கங்களைச் சமாளிக்க உங்களுக்கு எவ்வளவு நேரம் ஓய்வு தேவை என்பதை உங்கள் மருத்துவர் அறிவுறுத்துவார்.

• தாழ்வான நஞ்சுக்கொடி நிலை ஏற்பட்டிருந்தால் கர்ப்பிணிகள் தூங்கும்போது இடதுபக்கமாக படுக்க வேண்டும் என்று மருத்துவர்கள் அறிவுறுத்துவார்கள். இதனால், நரம்புகளில் அழுத்தம் ஏற்படாமல், சரியான முறையில் ரத்த விநியோகம் நடைபெறுவதை உறுதி செய்ய முடியும்.

• தாழ்வான நஞ்சுக்கொடி ஏற்பட்டிருந்தால் கர்ப்பிணிகள் உட்காருவது தொடர்பாக எந்தவொரு அறிவுறுத்தல்களும் இல்லை. அதேநேரம், நீண்ட நேரம் ஒரே இடத்தில் அமருவதை தவிர்க்கலாம்.

தாழ்வான நஞ்சுக்கொடிக்கு என்ன சிகிச்சைகள் தேவை?

• நீங்கள் அடிக்கடி ஸ்கேன் செய்ய மருத்துவமனைக்குச் செல்லுமாறு கேட்டுக் கொள்ளப்படுவீர்கள். உதாரணமாக, உங்கள் அல்ட்ராசவுண்ட் ஸ்கேனில் தாழ்வான நஞ்சுக்கொடி இருப்பது போன்ற அறிகுறிகள் உங்கள் 20 வது வாரத்தில் காட்டினால், மறுபடியும் நஞ்சுக்கொடியின் நிலையைத் தெரிந்து கொள்ள 32 வது வாரத்தில் ஸ்கேன் எடுக்குமாறு அறிவுறுத்தப்படும்.

• கர்ப்பப்பை வாய் அடைப்பு மற்றும் அறிகுறிகள் 36ஆவது வாரத்திலும் இருப்பது தொடர்ந்தால், முன்கூட்டியே குழந்தை பெற்றுக் கொள்ள திட்டமிடுமாறு உங்கள் மருத்துவர் உங்களை அறிவுறுத்துவார்.

• இது தாய் மற்றும் கருவின் பாதுகாப்பை உறுதி செய்யும். பிரசவம் முன்கூட்டியே நடந்தால், உங்களுக்கு 34 ஆவது வாரத்தில் ஸ்டீராய்டு ஊசி போடப்படும். இது கருவின் நுரையீரலின் முதிர்ச்சிக்கு உதவும்.

• சில நேரங்களில், விஷயங்கள் திட்டமிட்டபடி நடக்காமல் போகவும் வாய்ப்புள்ளது. குறிப்பாக பிரசவத்திற்கு முன் கடுமையான இரத்தப்போக்கு ஏற்படக்கூடும். இதன் விளைவாக, மேலும் சிக்கல்களைத் தவிர்க்க மருத்துவர் எமர்ஜென்சி சிசேரியனைத் தேர்வு செய்ய வாய்ப்புள்ளது.

• தாழ்வான நஞ்சுக்கொடிக்கு நிலையான கண்காணிப்பு தேவை. எனவே உங்கள் ஆலோசனைகள் அல்லது திட்டமிடப்பட்ட ஸ்கேன்களை எடுக்காமல் தவிர்க்க வேண்டாம். அதற்குப் பதிலாக, உங்கள் உடல்நலம் மற்றும் குழந்தையின் உடல்நிலையைப் பற்றி அறிய, உங்கள் மருத்துவரிடம் கேள்விகளைக் கேளுங்கள்.

• ஆரம்பகால நோயறிதல் மற்றும் சரியான மருத்துவ முடிவுகள் மூலம், நீங்களும் உங்கள் குழந்தையும் நேர்மறையான பிறப்பு அனுபவத்தைப் பெறலாம்.

இதையும் படிக்கலாமே! - நஞ்சுக்கொடியை உண்பது நல்லதா இல்லையா?

சுருக்கம்

● தாழ்வான நஞ்சுக்கொடி என்பது கருப்பையின் கீழ் பக்கத்தில் நஞ்சுக்கொடி இணைக்கப்பட்டிருக்கும் ஒரு நிலை. இது கருப்பை வாயை மறைக்கும்.

● முந்தைய பிறப்பு அனுபவங்கள், புகைபிடித்தல் அல்லது போதைப்பொருள் பயன்படுத்தல், கருச்சிதைவு மற்றும் வயதான காலத்தில் கருத்தரித்தல் ஆகியவற்றால் இது ஏற்படலாம்.

● பெரும்பாலான சந்தர்ப்பங்களில், நஞ்சுக்கொடியின் நிலை 30 வாரங்களுக்கு பின்னர் சாதகமானதாக மாறும்.

● கர்ப்ப காலத்தின் கடைசி மூன்று மாதங்களில் குறைந்த நஞ்சுக்கொடி தொடர்ந்தால், அது இரத்தப்போக்கு, பிரசவத்தில் சிரமத்தையும் முன்கூட்டியே கூட பிரசவத்தை ஏற்படுத்தவும் வாய்ப்புள்ளது.

● இதுபோன்ற சந்தர்ப்பங்களில், மருத்துவர்கள் முன்கூட்டிய பிரசவம் அல்லது சிசேரியன் பிரசவத்தை பரிந்துரைக்க வாய்ப்புள்ளது.

● ஆரோக்கியமான வாழ்க்கை முறையைப் பின்பற்றுவது, வழக்கமான பரிசோதனைகளை மேற்கொள்வது மற்றும் இதுபோன்ற கர்ப்பங்களில் பயணக் கட்டுப்பாடுகளை மனதில் வைத்திருப்பது அவசியம்.