తామర నుండి ఉపశమనం - కారణాలు, లక్షణాలు మరియు చికిత్స

తామర అనేది దురద, పొడి చర్మం, దద్దుర్లు, ఇంకా కొన్ని ఇతర లక్షణాలను కలిగించే చర్మ రోగం. తామరలో ఏడు వేర్వేరు రకాలు ఉన్నాయి. అత్యంత సాధారణమైన తామర లక్షణం దురద. చాలావరకు తామరకు మందుల సహాయంతో చికిత్స చేస్తారు, అయితే తామర వచ్చిన చర్మానికి ఏదైనా చేసే ముందు వైద్యుడిని సంప్రదించడం చాలా ముఖ్యం.

7 రకాల తామరలు

తామర రకరకాల చర్మాలలో విభిన్నంగా కనిపిస్తుంది. చామన ఛాయ, నలుపు రంగుల్లో ఉన్న వారికి చర్మంపై దురద వచ్చి, ఎరుపుగా అయ్యి, పొడిగా, పొలుసులుగా లేదా మందంగా ఉన్న చర్మంగా కనిపించవచ్చు. తెల్లని చర్మంపై, ఇది గోధుమ, ఊదా లేదా బూడిద రంగులో కనిపించవచ్చు. స్థూలంగా, ఏడు రకాల తామర చర్మాలు ఉన్నాయి.

1. అటోపిక్ తామర

అటోపిక్ తామర అనేది తామరలో ఒక రకం, ఇది సాధారణంగా బాల్యంలో మొదలవుతుంది, అయితే ఇది పెదయ్యేసరికి కొద్దిగా తగ్గవచ్చు లేదా పూర్తిగా తగ్గిపోతుంది. అటోపిక్ ట్రైయాడ్ అనబడే మూడు అనారోగ్యాలలో ఇది ఒకటి, మిగిలిన రెండు ఉబ్బసం మరియు గవత జ్వరం.

2. కాంటాక్ట్ డెర్మటైటిస్ (అంటుకోవడం వల్ల వచ్చే చర్మవ్యాధి)

కాంటాక్ట్ డెర్మటైటిస్‌లో రెండు రకాలు ఉన్నాయి:

1. రబ్బరు పాలు లేదా లోహం వంటి చికాకు కలిగించే వాటికి రోగనిరోధక వ్యవస్థ ప్రతిస్పందించడాన్ని అలెర్జిక్ కాంటాక్ట్ డెర్మటైటిస్ అంటారు.

2. రసాయనం లేదా ఇతర పదార్ధం చర్మంపై చికాకు కలిగించినప్పుడు చికాకు కలిగించే కాంటాక్ట్ డెర్మటైటిస్ వస్తుంది.

3. డైషిడ్రోటిక్ తామర

డైషిడ్రోటిక్ తామర మీ చేతులు మరియు కాళ్ళపై చిన్న బొబ్బలు ఏర్పడటానికి కారణమవుతుంది. ఇది పురుషుల కంటే స్త్రీలలో సర్వసాధారణంగా వస్తుంది.

4. చేతులపై తామర

హెయిర్‌డ్రెస్సర్‌గా లేదా క్లీనింగ్ పర్సన్‌గా చికాకు కలిగించే రసాయనాలతో క్రమం తప్పకుండా పని చేస్తే చేతులపై తామర అభివృద్ధి చెందుతుంది.

5. న్యూరోడెర్మాటిటిస్

ఇది అటోపిక్ ఎగ్జిమాను పోలి ఉంటుంది కానీ పిల్లల కంటే పెద్దలను ప్రభావితం చేసే అవకాశం ఉంది.

6. నమ్యులర్ తామర

దీని వల్ల చర్మంపై నాణేల ఆకారంలో మచ్చలు ఏర్పడతాయి.

7. స్టాసిస్ డెర్మటైటిస్

కొన్నిసార్లు, చర్మంలోని బలహీనమైన సిరలు ఈ రకమైన తామరకు కారణమయ్యే ద్రవాలను బయటకు తీయవచ్చు. ఈ సాధారణ తామర రకాలు కాకుండా, సోరియాసిస్ ఎగ్జిమా అనబడే జీవితాంతం ఉండే అనారోగ్యం ఒకటి ఉంది. ఇది చర్మంపై మందమైన, ఎరుపు రంగు పాచెస్ మరియు వెండి రంగు, తెలుపు రంగు పొలుసులను కలిగిస్తుంది. ఈ పాచెస్ దురద, పుండ్లు, మంట కూడా కలిగించవచ్చు. ఇవి సాధారణంగా మోచేతులు మరియు మోకాళ్లపై కనిపిస్తాయి. కానీ నెత్తిమీద చర్మం మరియు గోళ్లపై కూడా ప్రభావం చూపుతాయి.

తామర రావడానికి కారణాలు

ముఖంపై తామర, ఇతర శరీర భాగాలపైన తామర రావడానికి ఇంట్లో ఉండే ఎన్నో వస్తువులు కారణం కావచ్చు. ఈ క్రింది వాటితో సహా:

• కొన్ని రకాల బట్టలు
• కొన్ని రకాల సబ్బులు, డిటర్జెంట్లు.
• దుమ్ము పురుగులు.
• పుప్పొడి.
• మోల్డ్
• ఉపరితల క్రిమిసంహారకాలు.
• నికెల్ వంటి లోహాలు.
• కొన్ని టీకాలు మరియు జిగురు పదార్థాలలో ఉండే ఫార్మాల్డిహైడ్.
• పండ్లు మరియు కూరగాయలలో కనిపించే సహజ ద్రవాలు.
• సువాసన కొవ్వొత్తులు.
• బేబీ వైప్స్ వంటి వ్యక్తిగత సంరక్షణ ఉత్పత్తులలో కనిపించే ఐసోథియాజోలినోన్ వంటి యాంటీ బాక్టీరియల్ ఏజెంట్లు.
• లెదర్ డైస్‌లో ఉండే పారాఫెనిలెనెడియమైన్ వంటి రసాయనాలు.

తామర లక్షణాలు

తామర వచ్చిన చోట చర్మం ఒక్కొక్కరికి ఒక్కొక్కలా ఉంటుందని గుర్తుంచుకోవడం ముఖ్యం. దీని అర్థం చర్మ సంరక్షణ, చికిత్స పరంగా ఒకరికి పని చేసిన విధానం మరొకరికి పని చేయకపోవచ్చు. వివిధ రకాల తామరలు శరీరంలోని వివిధ భాగాలలోని వేర్వేరు సమయాల్లో కనిపించవచ్చు. కొన్నిసార్లు, సోరియాసిస్ తామర లక్షణాలను మామూలు తామర అనుకొని పొరపాటు చేస్తారు, కానీ అవి రెండు వేర్వేరు సమస్యలు.

తామర యొక్క అత్యంత సాధారణమైన లక్షణాలు,

• దురద చర్మము.
• పొడిబారడం.
• చర్మంపై మంటగా అనిపించటం
• చర్మం రంగు మారటం.
• చర్మంపై పొలుసులలాంటి మచ్చలు.
• చర్మంపై రసి కారడం లేదా పొట్టులా రావటం.
• చర్మంపై వాపు.

తామరకు చికిత్స

తామర నిరంతరంగా ఉంటుంది, దీనికి కాలక్రమేణా వివిధ చికిత్సా పద్ధతులను ప్రయత్నించడం అవసరం. అది పెరగకుండా నియంత్రించడం అనేది తామర చికిత్సలో అత్యంత ముఖ్యమైన భాగం.

తామర చికిత్స కోసం మందులు

దురదను నియంత్రించడానికి మరియు చర్మాన్ని సరిచేయడానికి అనేక రకాల ఔషధ ఉత్పత్తులు అందుబాటులో ఉన్నాయి. ఈ ఉత్పత్తులు క్రీములు, జెల్‌లు, లేపనాల రూపంలో రకరకాల శక్తితో, రకరకాల ఫార్ములాలలో వస్తాయి. సూచించిన చికిత్స ఏదైనప్పటికీ, సాధారణంగా ఏదైనా మాయిశ్చరైజర్‌ను రాసే ముందు తెలిపిన విధంగా చేయాలి. కార్టికోస్టెరాయిడ్ ఉత్పత్తిని అతిగా ఉపయోగించడం వల్ల చర్మం పలుచబడటం వంటి దుష్ప్రభావాలు కలిగే ప్రమాదం ఉంది.

కొన్నిసార్లు, చేతులు, ముఖంపైన వచ్చే తామరను నియంత్రించడానికి యాంటీబయాటిక్స్ కూడా తీసుకోవలసి ఉంటుంది. మరింత తీవ్రమైన తామర లక్షణాలు ఉంటే, వాడవలసిన మాత్రల పేర్లు ఇక్కడ ఇచ్చాము,

• సైక్లోస్పోరిన్.
• మెథోట్రెక్సేట్.
• ప్రిడ్నిసోన్.
• మైకోఫెనోలేట్.
• అజాథియోప్రిన్.
• తామర చికిత్స కోసం ఇంకా ఈ క్రింది ఇంజెక్షన్లు కూడా కొన్ని ఎంపికలు,
• మోనోక్లోనల్ యాంటీబాడీస్.
• డూపిక్సెంట్.
• అడిబ్రీ.

తామర చికిత్స కోసం థెరపీలు

తామర అక్షరాలా నిజంగా బాధాకరంగా ఉంటుంది. వీలైనంత త్వరగా దీనికి చికిత్స పొందడం చాలా ముఖ్యం, ఎందుకంటే ఇది ఎంత త్వరగా నిర్ధారణ అయితే, చికిత్స చేయడం అంత సులభం. తామర లక్షణాలకు చికిత్స విధానాల్లో కార్టికోస్టెరాయిడ్ ఆయింట్‌మెంట్ ఉపయోగించడం ఒకటి, ఆయింట్‌మెంట్ రాసి తడి గాజుగుడ్డతో కప్పివేస్తారు.

అటోపిక్ తామర చికిత్సకు లైట్ థెరపీ మరొక మార్గం. ఫోటోథెరపీ అనేది కాంతి చికిత్స యొక్క సరళ రూపం, ఇది ప్రభావిత ప్రాంతాలను సహజ సూర్యకాంతికి బహిర్గతం చేస్తుంది కానీ నియంత్రిత పద్ధతిలో ఉంటుంది. కొన్ని చికిత్సలలో నారో బ్యాండ్ అల్ట్రా వయొలెట్ బి (UVB) మరియు కృత్రిమ అల్ట్రా వయొలెట్ ఏ (UVA) ఉపయోగించడం కూడా ఉన్నాయి.

లక్షణాలు సకాలంలో నిర్ధారణ అయినట్లయితే తామర వచ్చిన చర్మానికి అనేక విధానాలను ఉపయోగించి చికిత్స చేయవచ్చు. ఇది భయానక వ్యాధి కాదు, దీనికి సకాలంలో శ్రద్ధ, సంరక్షణ అవసరం. ఇలాంటి మరిన్ని సమాచార కథనాల కోసం, మైలో ఫ్యామిలీ బ్లాగ్‌ ను చూడండి.