கர்ப்ப காலத்தில் உங்கள் பிஎம்ஐ (உடல் நிறை குறியீட்டெண்) எவ்வளவு இருக்க வேண்டும்?

கர்ப்ப காலத்தில் பிஎம்ஐ

கர்ப்ப காலத்தில் தாய் மற்றும் குழந்தையின் ஆரோக்கியம் மோசமடையாமல் இருப்பதை உறுதிப்படுத்த கர்ப்ப காலத்தில் ஒரு பெண்ணின் பிஎம்ஐ-யைக் கண்காணிப்பது முக்கியம் ஆகும். கர்ப்ப காலத்தில் அதிக உடல் பருமன் இருந்தால் கர்ப்ப கால சிக்கல்களை ஏற்படுத்தும். எனவே, பிஎம்ஐ-யை கட்டுக்குள் வைத்திருப்பது நல்லது.

அதிக பிஎம்ஐ, கருத்தரிப்பதில் சிக்கல் ஏற்படுத்துமா?

பிஎம்ஐ அதிகமாக இருந்தால், அது வழக்கமான ஓவுலேஷனை தடுக்கிறது. இது பெண்ணின் குழந்தையைப் பெறும் திறனை மோசமாக பாதிக்கலாம். சில நேரங்களில், தொடர்ந்து ஓவுலேட் செய்யும் பெண்களுக்குக் கூட அதிக பிஎம்ஐ இருந்தால் கருத்தரிப்பது கடினமாகக் கூடும். பருமனான பெண்கள் அல்லது அதிக பிஎம்ஐ உள்ள பெண்களுக்கு கருத்தரிக்க வழக்கத்தை விட அதிக நாட்கள் ஆகலாம். அதிக பிஎம்ஐ இருந்தால், ஐவிஎஃப் (இன் விட்ரோ கருத்தரித்தல்) விளைவுகளை அது எதிர்மறையாக்கக்கூடும் என்றும் சில ஆராய்ச்சி கூறுகிறது, இதனால் செயற்கை வழிமுறைகள் மூலம் கருத்தரிப்பதும் கடினமாகும்.

அதிக பிஎம்ஐ, என் பிரக்னன்ஸியை எவ்வாறு பாதிக்கும்?

இந்த கேள்விக்கு பதிலளிக்க, ஒபிசிட்டி பிரக்னன்சி என்றால் என்ன என்பதைப் புரிந்துகொள்வது முதலில் அவசியமாகும். ஒரு நபரின் பிஎம்ஐ ஆனது 30-ஐ விட அதிகமாகவோ அல்லது சமமாகவோ இருக்கும்போது உடல் பருமன் இருப்பதாகக் கூறப்படுகிறது. ஒரு நபரின் எடையை (கிலோ) உயரத்தால் (மீட்டர் ஸ்கொயர்) வகுப்பதன் மூலம் பிஎம்ஐ கணக்கிடப்படுகிறது.

அட்டவணை 1: பிஎம்ஐ வரம்புகள்

பிரக்னன்ஸியின் போது அதிக உடல் பருமன் பிரக்னன்ஸியில் சிக்கல்களின் அபாயத்தை அதிகரிக்கிறது மற்றும் தாய் மற்றும் குழந்தை இருவருக்கும் கடுமையான சிக்கல்களை ஏற்படுத்தக்கூடும்.

அட்டவணை 2: அதிக உடல் பருமன் பிரக்னன்ஸியின் சிக்கல்கள்

கர்ப்ப காலத்தில் எவ்வளவு எடை அதிகரிக்கலாம்?

கர்ப்ப காலத்தில் ஒரு பெண்ணின் பிஎம்ஐ மீது கவனம் செலுத்துவதை விட, அவர்களின் பிரக்னன்ஸிக்கு முந்தைய எடை மற்றும் பிஎம்ஐ ஆகியவற்றைக் கருத்தில் கொள்வது மிகவும் பயனுள்ளதாக இருக்கும். கர்ப்ப காலத்தில் எவ்வளவு எடை இருப்பது பாதுகாப்பானது என்பதை அறிய இது உதவுகிறது. ஒரு மகளிர் மருத்துவர் மற்றும் மகப்பேறியல் நிபுணருடனான வழக்கமான ஆலோசனைகளின் உதவியுடன், பிரக்னன்ஸியில் பிஎம்ஐ-யையும் தீர்மானிக்க முடியும்.

அட்டவணை 3: கர்ப்ப காலத்தில் அதிகரிக்கும் எடை

பாதுகாப்பான எடை அதிகரிப்புக்கு ஒரு நிலையான எண்ணிக்கையைக் கண்டறிவது கடினம். எனவே, பிரக்னன்ஸியில் எடை அதிகமாக அதிகரிப்பதைத் தவிர்ப்பதோடு பிரக்னன்ஸியின் போது உடல் பருமனைத் தவிர்ப்பதும் சிறந்தது என்று பெரும்பாலான மருத்துவர்கள் பரிந்துரைக்கின்றனர்.

கர்ப்பமாக இருக்கும் போது எனக்கு சிறப்பு சிகிச்சை தேவைப்படுமா?

கர்ப்ப காலத்தில் பிஎம்ஐ ஆனது 30-க்கு மேல் இருந்தால், தாய்க்கு சிறப்பு கவனிப்பு தேவைப்படும். இது போன்ற சந்தர்ப்பங்களில் ஒரு சுகாதார நிபுணரால் வழங்கப்படக் கூடிய சில பரிந்துரைகள் கீழே பட்டியலிடப்பட்டுள்ளன -

1. கர்ப்பகால நீரிழிவு நோயறிதல்: பொதுவாக, குளுக்கோஸ் சவால் எனப்படும் ஸ்கிரீனிங் சோதனையானது பெண்களுக்கு சராசரி முதல் அதிக ஆபத்துள்ள ஆரம்பகால கர்ப்பகால நீரிழிவு நோயை சரிபார்க்க செய்யப்படுகிறது. கர்ப்ப காலத்தில் ஒரு பெண்ணின் பிஎம்ஐ ஆனது 30-ஐ விட அதிகமாக இருந்தால், முதல்முறை கருத்தரித்தல் சரிபார்ப்புக்காக மருத்துவரிடம் வரும் பொழுது இந்த சோதனை பரிந்துரைக்கப்படலாம். சோதனைகள் சாதாரண வரம்புகளுக்குள் இருந்தால் கர்ப்பத்தின் 24 வது மற்றும் 28 வது வாரத்திற்கு இடையில் மீண்டும் ஒரு சோதனை எடுக்கப்பட வேண்டும். முடிவுகள் அதிக குளுக்கோஸ் அளவைக் குறிக்கிறது என்றால், மேலும் இரத்த சர்க்கரை கண்காணிப்பு தேவைப்படும்.

2. கரு அல்ட்ராசவுண்ட்: கர்ப்பத்தின் 18 முதல் 20 வாரங்களுக்கு இடையில், குழந்தையின் வளர்ச்சி மற்றும் உடற்கூறியல் உருவாக்கத்தை சரிபார்க்க ஒரு வழக்கமான கரு அல்ட்ராசவுண்ட் செய்யப்படுகிறது. ஆனால், கர்ப்ப காலத்தில் உடல் பருமனாக இருந்தால், அல்ட்ராசவுண்ட் அலைகள் அதிகப்படியான கொழுப்பு திசுக்களில் ஊடுருவிச் செல்வது கடினம், இதன் விளைவாக தெளிவற்ற அல்லது தவறான ரீடிங்கை அளிக்கும்.

3. தூக்கத்தில் மூச்சுத்திணறல் அடைப்பு சோதனை: தூக்கத்தில் மூச்சுத்திணறல் என்பது மிகவும் தீவிரமான கண்டிஷன், இதன் விளைவாக தூக்கத்தின் போது சுவாசமானது திடீரென மற்றும் மீண்டும் மீண்டும் நிறுத்தப்பட்டு தொடங்குகிறது. ஏற்கனவே இந்த கண்டிஷனில் உள்ள கர்ப்பிணிப் பெண்களுக்கு ப்ரீக்ளாம்ப்சியா ஆபத்து அதிகம் உள்ளது.

பாதுகாப்பான பிரக்னன்ஸியை உறுதிப்படுத்த நான் என்ன செய்ய வேண்டும்?

பிரக்னன்ஸியில் பிஎம்ஐ அதிகரிப்பது தாய் மற்றும் குழந்தையின் ஆரோக்கியத்தை கடுமையாக பாதிக்கும். ஆனால், பிரச்சனை கட்டுப்பாட்டை மீறிச் செல்வதைத் தடுக்க ஒரு தாய் பின்பற்றக்கூடிய சில நடவடிக்கைகள் கீழே உள்ளன:

• முன்கூட்டிய சந்திப்பு -

பிஎம்ஐ 30 அல்லது அதற்கு மேல் இருந்தால் மருத்துவரிடம் பேறுகாலத்திற்கு முந்தைய ஆலோசனையைத் திட்டமிடுவதன் மூலம் பிரக்னன்ஸியில் உடல் பருமன் ஏற்படுவதைத் தடுக்கலாம். கர்ப்பமாக இருப்பதற்கு முன்பு கருவுற்ற பெண் பாதுகாப்பான எடையை அடைய உதவும் பேறுகாலத்திற்கு முந்தைய வைட்டமின்கள் மற்றும் ஆரோக்கியமான உணவை மருத்துவர்கள் பரிந்துரைக்கலாம்.

• தொடர்ச்சியான பேறுகாலத்திற்கு முந்தைய பராமரிப்பு -

பேறு காலத்திற்கு முந்தைய உடல்நலப் பரிசோதனைகளைத் தவறாமல் செய்து கொள்வது அவசியமாகும். அவை தாய் மற்றும் குழந்தையின் ஆரோக்கியத்தைக் கண்காணிக்கவும் உடல் பருமன் பிரக்னன்ஸியைத் தடுக்க சரியான நடவடிக்கைகளை எடுக்கவும் மருத்துவருக்கு உதவுகின்றன

• சமச்சீர் உணவு -

ஆரோக்கியமான உணவைப் பராமரிப்பது கர்ப்ப காலத்தில் பிஎம்ஐயைக் குறைப்பதில் சமரசம் செய்ய முடியாத காரணியாகும்.

• உடல் தகுதி -

கர்ப்ப காலத்தில் சுறுசுறுப்பாக இருப்பதும் பிஎம்ஐ பிரக்னன்ஸியை கட்டுக்குள் வைத்திருக்கும்.

• போதைப்பொருள் எடுத்துக்கொள்வதை தவிர்த்தல் -

மது அருந்துதல், புகைபிடித்தல் மற்றும் சட்ட விரோத மருந்துகளின் நுகர்வு ஆகியவை ஆபத்தான கர்ப்பத்திற்கு பங்களிக்கின்றன. அவற்றைத் தவிர்ப்பது நல்லது.

இதையும் படிக்கலாமே! - கர்ப்ப காலம் முழுவதும் கருவின் எடை தாயின் எடையை எவ்வாறு பாதிக்கிறது?

எனவே, பிரக்னன்ஸியில் பெண்ணின் பிஎம்ஐ-யை எல்லா நேரங்களிலும் கட்டுக்குள் வைத்திருக்க கர்ப்ப காலத்தில் ஆரோக்கியமான வாழ்க்கை முறையைப் பின்பற்றுவதும், மருத்துவர்களை தவறாமல் அணுகுவதும் அவசியம் ஆகும்.