எந்த வயதில் உங்கள் குழந்தையின் பற்களை ஃபிங்கர் டூத் பிரஷ் மூலம் சுத்தம் செய்யலாம்?

உங்கள் வயிற்றில் வளரும் போதே உங்கள் குழந்தையின் பற்கள் வளர ஆரம்பிக்கும். உண்மையில், அவர்கள் பிறக்கும்போது ஈறுகளின் கீழ் ஏற்கனவே 20 மறைக்கப்பட்ட பற்கள் உள்ளன. ஆரம்ப நிலையிலேயே நல்ல ஓரல் பழக்கத்தை ஏற்படுத்துவது, பிற்காலத்தில் உங்கள் குழந்தைக்கு மிகவும் பயனுள்ளதாக இருக்கும்!

ஃபிங்கர் டூத் பிரஷ்ஷை எவ்வளவு காலம் தொடர்ந்து பயன்படுத்தலாம்?

• இப்போது, முக்கிய கேள்வி என்னவென்றால், உங்கள் குழந்தைக்கு ஃபிங்கர் டூத் பிரஷ்ஷை எப்போது வரை பயன்படுத்த வேண்டும்? எப்போது அதைப் பயன்படுத்துவதை நிறுத்த வேண்டும்? என்பது தான். உங்கள் குழந்தைக்கு 19 மாதங்கள் ஆகும் வரை ஃபிங்கர் பிரஷ்ஷைப் பயன்படுத்த பல குழந்தை பல் மருத்துவர்கள் பரிந்துரைக்கின்றனர். உண்மையில், உங்கள் பிள்ளையின் பற்களை சுத்தம் செய்ய தூண்டுவது, ஆரோக்கியமான பழக்க வழக்கங்களில் ஒன்றாகும்.

• சில குழந்தைகளுக்கு 7 மற்றும் 11 மாதங்கள் ஆகும் போது, பால் பற்கள் வளரும். இருப்பினும், சில குழந்தைகளுக்கு மூன்று மாதங்களில் கூட பால் பற்கள் வெளியேறும். மற்றொரு சுவாரஸ்யமான உண்மை என்னவென்றால், பால் பற்கள் வளர சரியான வரிசை இல்லை. பெரும்பாலான சந்தர்ப்பங்களில், கீழ் மற்றும் மேல் இன்ஸிஸர்ஸ் முதலில் தோன்றும். கடைவாய்ப்பற்கள் (மோலார்ஸ்) அடுத்து வெளிவரும், அதைத் தொடர்ந்து ப்ரீமோலர்கள் மற்றும் பின்னர் கேனைன்ஸ் தோன்றும்.

உங்கள் பிள்ளைகளை பல் துலக்க வைக்க நீங்கள் செய்யக்கூடிய சில வழிகள் யாவை?

உங்கள் குழந்தையின் பற்களை சுத்தம் செய்வதற்கான சிறந்த வழிகளில் ஒன்று கீழே கொடுக்கப்பட்டுள்ளது.

• உங்கள் பிள்ளையின் வாயை கவனிக்க வசதியாக இருக்கும்படி வைக்கவும். உங்கள் குழந்தையை உட்கார வைக்க முயற்சிக்கவும் அல்லது உங்கள் மடியில் படுக்க வைக்க முயற்சிக்கவும்.

• உங்கள் குழந்தையின் கன்னத்தை அனைத்துப் பிடிக்கவும்.

• உங்கள் குழந்தையின் பற்களைச் சுற்றி ஃபிங்கர் பிரஷ்ஷை மெதுவாக தேய்க்கவும். ஒவ்வொரு பல்லின் முன்புறத்திலும் பின்புறத்திலும் வட்ட வடிவில் தேய்ப்பதை உறுதிப்படுத்திக் கொள்ளுங்கள். கம்லைனைத் தவறவிடாதீர்கள்!

• அதுமட்டுமின்றி, குழந்தை ஃபிங்கர் டூத் பிரஷ்ஷுடன் விளையாட அனுமதிப்பதன் மூலமும் உங்கள் குழந்தையின் பற்களை சுத்தம் செய்ய நீங்கள் உதவலாம். இதனால், அவர்கள் குளித்து விளையாடும் போது இறுதியில் ஃபிங்கர் டூத் பிரஷை வாயில் போட்டுக்கொள்வார்கள்.

• இருப்பினும், உங்கள் குழந்தை டூத் பிரஷ்ஷுடன் விளையாடும் போது, நீங்கள் அதை கண்காணிப்பது மிகவும் முக்கியம். உங்கள் குழந்தை பல் துலக்க விரும்பவில்லை என்றால், அவர்களுக்குப் பிடித்த பொம்மை அல்லது தாலாட்டை பாடி, அவர்களின் கவனத்தைத் திசைதிருப்பவும்.

• பல் துலக்கி முடிந்ததும், டூத் பிரஷை வெதுவெதுப்பான குழாய் நீரில் அலசி உலர வைக்கவும். காற்றில் முழுமையாக உலர விடுவதை உறுதிப்படுத்திக் கொள்ளுங்கள். ஒவ்வொரு மூன்று மாதங்களுக்கும் அல்லது ப்ரிஸில்ஸ் தேய்ந்து போவதை நீங்கள் கவனிக்கும் போதெல்லாம் கிட்ஸ் ஃபிங்கர் பிரஷ்ஷை மாற்ற வேண்டியது அவசியம்!

உங்கள் குழந்தைக்கு ஆரம்ப நிலையிலேயே பல் சொத்தை ஏற்படாமல் தடுக்க எப்படி உதவுவது?

• உண்மையில், இன்று பல் சொத்தை அல்லது பற்குழி, ஒரு பொதுவான பல் பிரச்சனை. சரியான கவனிப்பு இல்லாவிட்டால், உங்கள் குழந்தையின் பற்கள் உதிர்வதையோ அல்லது ரூட் கேனால் செய்ய வேண்டி வரும். உங்கள் குழந்தையின் உணவு மற்றும் ஓரல் ஹைஜீன் ஆகியவை பற்சிதைவைத் தடுக்க கருத்தில் கொள்ள வேண்டிய இரண்டு முக்கியமான அம்சங்களாகும்.

• உங்கள் குழந்தைக்கு ஆறு மாத வயது வரை தாய்ப்பால் மட்டுமே கொடுக்க வேண்டும். அரை வயதுக்கு மேற்பட்ட குழந்தைகளும் தண்ணீர் குடிக்கலாம். அதுமட்டுமின்றி, சிறு வயதிலேயே சர்க்கரை பானங்கள் அல்லது இனிப்புகள் கொடுப்பதைத் தவிர்க்கவும். பொதுவாக நிரந்தர பற்களை விட பால் பற்கள் சிதைவடைய வாய்ப்புகள் அதிகம்.

இதையும் படிக்கலாமே! - குழந்தையின் முதல் பல்: பெற்றோர் தெரிந்து கொள்ள வேண்டிய 7 உண்மைகள்

முடிவுரை

• உங்கள் குழந்தையின் பல் இன்னும் முளைக்கவில்லை என்றால், பல் சுகாதாரம் இன்னும் முக்கியமானது. உங்கள் குழந்தையின் ஈறுகளை சுத்தமாக துடைக்க ஈரமான துணியைப் பயன்படுத்தவும். இது இறுதியில் அவர்களின் முதல் பல் வெளியே வரும் போது உங்கள் குழந்தை பல் துலக்குவதை சரிசெய்ய உதவும்!

• பல ஆன்லைன் கடைகள் 2 வயதை எட்டாத குழந்தைகளுக்காக வடிவமைக்கப்பட்ட ப்ரிஸில்ஸ் கொண்ட ஃபிங்கர் டூத் பிரஷை வழங்குகின்றனர்! இருப்பினும், உங்கள் குழந்தையின் வாயில் டூத் பிரஷ் எரிச்சலை ஏற்படுத்தினால், நீங்கள் ஈரமான துணியைக் கொண்டு, உங்கள் குழந்தையின் பற்களில் உள்ள உணவுக் குப்பைகளை அகற்றலாம்!